For Personal Problems! Talk To Astrologer

ટૅરો કાર્ડ્સ


ફોર ઓફ વૉન્ડ્સ

આ ટેરો કાર્ડ આપણે અત્યાર સુધી જે કંઈ પણ વાવ્યું તેને લણવાનો સમય આવી ગયો હોવાનું દર્શાવે છે. તેનો સામાન્યપણે એવો અર્થ થાય છે કે, આપણે અત્યાર સુધી જે સખત મહેનત કરી છે તેની સ્વીકૃતિના ફળ સ્વરૂપે વળતર કે બક્ષિસ મેળવવાનો વખત આવી ગયો છે. હવે ઉજવણીનો સમય આવી ગયો છે તેમ જ જીવનમાં નવી શરૂઆત કરવાનો અને ખુશીઓ મનાવવાનો આ તબક્કો છે. અહીં મુખ્ય બાબત એ છે કે, આપણે કોઈપણ પરિવર્તન સ્વીકારી પોતાના જીવન અને ભાગ્યને નવો વળાંક આપવા માટે તેનો લાભ લેવો જોઈએ. એકંદરે સંતોષ, આનંદ અને ભાવનાત્મક સધિયરો આપણને મળવાનો છે તેવો સંકેત આ કાર્ડ પરથી મળે છે.

ટેરો કાર્ડના ટેબલ પર જોવા મળતો આ સૌથી મોટો હિસ્સો છે.કુલ ૭૮ કાર્ડ ટેરોમાંથી ૫૬ કાર્ડ આ માઈનર અર્કાનામાં આવે છે. માઈનર અર્કાનામાં આવતા કાર્ડ્સમાંથી ૪૦ કાર્ડ સંપૂર્ણપણે માઈનર અર્કાનામાં આવે છે જ્યારે બાકીના ૧૬ કાર્ડ રોયલ અર્કાના અથવા કોર્ટ કાર્ડના છે. મેજર અર્કાના જાતકના જીવનનું વ્યાપર ચિત્ર રજૂ કરે છે જ્યારે માઈનર અર્કાના ચોક્કસ નાની-નાની બાબતોનો સંકેત આપે છે. તેને ચાર ભાગમાં વહેંચવામાં આવ્યા છેઃ સ્યૂટ ઑફ સ્વૉર્ડ્સ(સ્વૉર્ડ્સના કાર્ડ) બુદ્ધિચાતુર્ય અને જ્ઞાન, આપણા નિર્ણયો તેમ જ અંતઃપ્રેરણાનો સંકેત આપે છે. સ્યૂટ ઓફ કપ(કપના કાર્ડ)હૃદય સંબંધિત બાબતોનો સંકેત આપે છે, જેમાં પ્રણય સંબંધો અને આપણે જેમની કાળજી લઈએ છીએ તેવા લોકો પણ આવી જાય છે. સ્યૂટ ઓફ વોન્ડ્સ (વોન્ડ્સના કાર્ડ) આપણે જીવનમાં વિવિધ સ્થિતિ અને ઘટનાઓ દરમિયાન જે શક્તિ અને ઉર્જા કામે લગાડીએ છીએ તેનું પ્રતિનિધિત્વ કરે છે. અને અંતે, સ્યૂટ ઓફ પેન્ટેકલ્સ (પેન્ટેકલ્સના કાર્ડ) આપણે કરેલા શ્રમ અને તેનાથી મળતા વળતરનો સંકેત આપે છે.