For Personal Problems! Talk To Astrologer

ટૅરો કાર્ડ્સ


નાઈન ઓફ પેન્ટેકલ્સ

આ કાર્ડ બુધ્ધિમત્તાનું મૂર્ત સ્વરૂપ છે. આપણને આંતરિક ડહાપણ અને વિવેકબુધ્ધિ સાથે તાલ મિલાવવાની સલાહ આપે છે અને ખાતરી આપે છે કે જો આપણે આપણી અંતઃ સ્ફુરણા અને આંતરિક સૂઝથી પ્રેરાઈને આપણા કાર્યો કરશું તો તે આપણે અભૂતપૂર્વ સ્ટાઈલ સાથે રજૂ કરીશું. એક વખત જો આપણે પોતાના સામર્થ્ય અને બૌદ્ધિક ચતુરાઈ પર કોઈપણ આશંકા નહીં કરીએ તો, આપણે આપણી સર્વોચ્ચ ક્ષમતા તરફ ચુંબકીય રીતે આકર્ષાશું. જ્યાં સુધી આપણું ધ્યાન વિચલિત નહીં થાય ત્યાં સુધી આપણે આપણા તમામ અવરોધોને હઠાવી શકીએ છીએ અને એકધારી પ્રગતિ કરી શકીએ છીએ.

ટેરો કાર્ડના ટેબલ પર જોવા મળતો આ સૌથી મોટો હિસ્સો છે.કુલ ૭૮ કાર્ડ ટેરોમાંથી ૫૬ કાર્ડ આ માઈનર અર્કાનામાં આવે છે. માઈનર અર્કાનામાં આવતા કાર્ડ્સમાંથી ૪૦ કાર્ડ સંપૂર્ણપણે માઈનર અર્કાનામાં આવે છે જ્યારે બાકીના ૧૬ કાર્ડ રોયલ અર્કાના અથવા કોર્ટ કાર્ડના છે. મેજર અર્કાના જાતકના જીવનનું વ્યાપર ચિત્ર રજૂ કરે છે જ્યારે માઈનર અર્કાના ચોક્કસ નાની-નાની બાબતોનો સંકેત આપે છે. તેને ચાર ભાગમાં વહેંચવામાં આવ્યા છેઃ સ્યૂટ ઑફ સ્વૉર્ડ્સ(સ્વૉર્ડ્સના કાર્ડ) બુદ્ધિચાતુર્ય અને જ્ઞાન, આપણા નિર્ણયો તેમ જ અંતઃપ્રેરણાનો સંકેત આપે છે. સ્યૂટ ઓફ કપ(કપના કાર્ડ)હૃદય સંબંધિત બાબતોનો સંકેત આપે છે, જેમાં પ્રણય સંબંધો અને આપણે જેમની કાળજી લઈએ છીએ તેવા લોકો પણ આવી જાય છે. સ્યૂટ ઓફ વોન્ડ્સ (વોન્ડ્સના કાર્ડ) આપણે જીવનમાં વિવિધ સ્થિતિ અને ઘટનાઓ દરમિયાન જે શક્તિ અને ઉર્જા કામે લગાડીએ છીએ તેનું પ્રતિનિધિત્વ કરે છે. અને અંતે, સ્યૂટ ઓફ પેન્ટેકલ્સ (પેન્ટેકલ્સના કાર્ડ) આપણે કરેલા શ્રમ અને તેનાથી મળતા વળતરનો સંકેત આપે છે.