For Personal Problems! Talk To Astrologer

ટૅરો કાર્ડ્સ


સેવન ઓફ કપ્સ

આ ટેરો કાર્ડ આપણા જીવનના પ્રતિબિંબ સમાન ગણવામાં આવે છે. આપણે જીવનમાં જ્યારે કોઈ દ્વિધાભરી પરિસ્થિતિનો સામનો કરતા હોઈએ ત્યારે ભાવનાત્મક જરૂરિયાતોના આધારે માર્ગ પસંદ કરીએ છીએ અને તે પસંદગીઓ જ છેવટે આપણા જીવનને કંડારે છે. આ કાર્ડ આપણામાં શું છે તે જણાવે છે, આપણામાં અમાપ શક્તિઓ છુપાયેલી છે, અને તેનો આપણે કેટલો ઉપયોગ કરી શકીએ તેમ જ તેનાથી પોતાનું જીવન કેટલું બહેતર બનાવી શકીએ તેનો આધાર આપણા પર જ રહેલો છે. જેમ આપણી ઉંમર વધે છે તેમ, આપણી અંતઃસ્ફ્રુરણા અને સહાનુભૂતિ વધુ ધારદાર બનતી જાય છે.આ કાર્ડ સૂચવે છે કે આપણે કદાચ પોતાની જાતને ધ્યેયો હાંસલ કરવાથી રોકી રહ્યા છીએ, તેના બદલે આપણે સંજોગોને અનુકૂળ બનવું જોઈએ, તેનો અર્થ અમુક હદે તો એવો પણ થાય છે કે આપણે પોતાની કેટલીક માન્યતાઓ કે ભ્રમણાઓને દૂર કરી દેવી જોઈએ.

ટેરો કાર્ડના ટેબલ પર જોવા મળતો આ સૌથી મોટો હિસ્સો છે.કુલ ૭૮ કાર્ડ ટેરોમાંથી ૫૬ કાર્ડ આ માઈનર અર્કાનામાં આવે છે. માઈનર અર્કાનામાં આવતા કાર્ડ્સમાંથી ૪૦ કાર્ડ સંપૂર્ણપણે માઈનર અર્કાનામાં આવે છે જ્યારે બાકીના ૧૬ કાર્ડ રોયલ અર્કાના અથવા કોર્ટ કાર્ડના છે. મેજર અર્કાના જાતકના જીવનનું વ્યાપર ચિત્ર રજૂ કરે છે જ્યારે માઈનર અર્કાના ચોક્કસ નાની-નાની બાબતોનો સંકેત આપે છે. તેને ચાર ભાગમાં વહેંચવામાં આવ્યા છેઃ સ્યૂટ ઑફ સ્વૉર્ડ્સ(સ્વૉર્ડ્સના કાર્ડ) બુદ્ધિચાતુર્ય અને જ્ઞાન, આપણા નિર્ણયો તેમ જ અંતઃપ્રેરણાનો સંકેત આપે છે. સ્યૂટ ઓફ કપ(કપના કાર્ડ)હૃદય સંબંધિત બાબતોનો સંકેત આપે છે, જેમાં પ્રણય સંબંધો અને આપણે જેમની કાળજી લઈએ છીએ તેવા લોકો પણ આવી જાય છે. સ્યૂટ ઓફ વોન્ડ્સ (વોન્ડ્સના કાર્ડ) આપણે જીવનમાં વિવિધ સ્થિતિ અને ઘટનાઓ દરમિયાન જે શક્તિ અને ઉર્જા કામે લગાડીએ છીએ તેનું પ્રતિનિધિત્વ કરે છે. અને અંતે, સ્યૂટ ઓફ પેન્ટેકલ્સ (પેન્ટેકલ્સના કાર્ડ) આપણે કરેલા શ્રમ અને તેનાથી મળતા વળતરનો સંકેત આપે છે.