મીન માસિક ફળકથન, માસિક જ્યોતિષ અને રાશિફળ

મીન માસિક ફળકથન

આ મહિનો (Jan 2020)

મહિનાની શરૂઆતમાં પ્રોફેશનલ મોરચે તમે થોડી અનિશ્ચિતતાઓ અને વિપરિત સ્થિતિઓમાંથી પસાર થઇ શકો છો. આવા સંજોગોમાં ધીરજ અને યુક્તિપૂર્વક કામ લેવાથી તમે ઘણી સમસ્યાઓને આવતા પહેલાં જ ડામી શકશો. કાયદા અને સરકાર વિરોધી પ્રવૃત્તિ આપને આફતમાં મૂકી શકે છે માટે ઝડપથી આગળ વધવા માટે કોઇપણ ખોટો માર્ગ અપનાવવો નહીં. પ્રોફેશનલ મોરચે ખર્ચનું પ્રમાણ પણ રહે. બીજા સપ્તાહથી આપની સ્થિતિમાં નોંધપાત્ર સુધારો આવી શકે છે. અત્યારે કામકાજમાં ફેરફાર કરવાનો વિચાર વારંવાર આવે તો ઉતાવળે કોઇપણ નિર્ણય લેવાના બદલે બીજાની સલાહ સાથે આગળ વધવું. ગૃહસ્‍થજીવનમાં થોડો આનંદ રહેશે. લગ્‍નોત્‍સુક યુવક- યુવતીઓના લગ્‍ન માટે ઉજળા સંજોગો સર્જાય. પુત્ર તેમ જ પત્‍નીથી લાભ થાય. ઉત્તરાર્ધમાં તમને કેટલાક આર્થિક લાભો થશે જેનાથી મન પ્રફુલ્લિત થાય અને તમે કંઇક નવું વિચારી શકશો. વેપાર ધંધા અને ભાગીદારીના કામકાજમાં લાભ થાય. વેપારી વર્ગને ઉઘરાણીના નાણાં છૂટા થાય. વડીલો તરફથી લાભ મળે. વિદ્યાર્થીઓને વિદ્યાભ્‍યાસમાં અવરોધની શક્યતાઓ તો નથી પરંતુ ઇતરપ્રવૃત્તિઓમાં વધુ પડતું ધ્યાન આપવું નહીં. ઉત્તરાર્ધમાં જૂના મિત્રો- સ્નેહી સાથે મુલાકાત થતા બાળપણની યાદો તાજી થશે. આરોગ્‍ય અંગે ‍નાની-નાની ફરિયાદ રહે પરંતુ ભોજનમાં અનિયમિતતા ટાળશો તો મોટી સમસ્યાની શક્યતા નથી.