સિંહ – કુંભ સુસંગતતા

આ બંને રાશિ વચ્ચેનો મેળ એટલો ખરાબ પણ નથી. બંને વચ્ચે શારીરિક સુમેળ પણ ઘણો સારો રહે પરંતુ સંબંધોને જો અહં છોડીને જાળવવામાં આવે તો તે લાંબા સમય સુધી ટકી શકે છે. કુંભ જાતકના આત્મવિશ્વાસ અને બૌદ્ધિક શક્તિ સિંહ જાતકને આકર્ષે છે, જ્યારે સિંહ જાતકના શારીરિક આકર્ષણથી કુંભ જાતક પ્રભાવિત થાય છે. સિંહ અને કુંભ જાતકોમાં ઘણી બધી એવી બાબતો છે જે તેમની વચ્ચે સામાન્ય નથી એમ છતાં તેમની વચ્ચેનો તાલમેલ સારો રહે છે. કેટલીકવાર કુંભ જાતકના ટીકાખોર સ્વભાવને કારણે સિંહ જાતકનો અહં ઘવાય છે.

સિંહ પુરુષ અને કુંભ મહિલા વચ્ચે સુસંગતતા
કુંભ મહિલાની સ્વતંત્રતા અને કુનેહ જો સિંહ પુરુષ જાતક આદર કરે અને કુંભ મહિલા જો પુરુષની મહત્વની જરૂરિયાતને સમજે અને અંગત સંબંધોમાં સાથ આપે તો તેમની વચ્ચે સારા સંબંધો વિકસી શકે છે. બંનેની શારીરિક સુદૃઢતાના કારણે તેમની વચ્ચે સારો તાલમેલ જળવાઇ રહે છે. તેમની અદ્વિતીય પ્રતિભા જીવનની ઉત્તમ ક્ષણોનો આનંદ માણવા તેમને પ્રોત્સાહિત કરે છે. સિંહ પુરુષ જાતકને માત્ર પોતાની જ ફિકર હોય છે જ્યારે કુંભ મહિલા આખી દુનિયાની સમસ્યાઓ વિશે ચિંતિત હોય છે. જો તેઓ પરસ્પર આદર અને પ્રેમભાવ રાખે તો સંબંધો ટકે છે. તેમના વચ્ચેના સંબંધો શરૂઆતમાં સારા હોય છે પણ પછી ચકરાવે ચઢીને તેનો અંત આવે છે.

સિંહ મહિલા અને કુંભ પુરુષ વચ્ચે સુસંગતતા
કુંભ પુરુષ જાતકને આ સંબંધ બોજારૂપ લાગે છે. જ્યારે સિંહ મહિલા જાતક તેની સાથે વધારે નિકટતા સાધવાનો અને તેને બાંધીને રાખવાનો પ્રયાસ કરે છે. આ જોડી બહુ સારી પુરવાર નથી થતી. કુંભ પુરુષ જાતકનો ટીકા ટિપ્પણી કરવાનો સ્વભાવ હોવાથી તે સ્ત્રીની ટીકા કરતો રહે છે. જે સિંહ મહિલા જાતકને બિલકુલ પસંદ પડતું નથી અને તેનામાં ગુસ્સો જન્માવે છે. આવી પરિસ્થિતિમાં બંને મર્યાદાના બંધનોને દૂર કરી વર્તે છે. જો તેઓ બંને એકબીજાને પ્રેમ, લાગણી અને હૂંફ આપે તો થોડો વધુ સમય તેમના સંબંધો ટકી શકે છે. બંનેના વિરોધાભાસી સ્વભાવને કારણે આ જાતકો જીવનના જુદાજુદા રંગોને માણી શકે છે.