Problems Regarding Career, Relationships and Money Matter
Get Free Consultation

કર્ક વાર્ષિક ફળકથન

આ વર્ષ (2020)

આ વર્ષ સંઘર્ષની સાથે સુખદ અનુભવ કરાવનારું રહેશે. તમે જીવન પ્રત્યે સકારાત્મક અભિગમ રાખીને આગળ વધશો. જોકે આખા વર્ષ દરમિયાન તમારી લાગણીઓમાં સતત વધારો કે ઘટાડો થઇ શકે છે જેના કારણે તમે ક્યારેયક આપ્તજનોથી અળગા થશો પરંતુ આવી સ્થિતિમાં જો તમારા બદલે તેમના દૃષ્ટિકોણથી સ્થિતિ જોવાનો પ્રયાસ કરશો તો બહેતર પરિણામ મેળવી શકો છો. નોકરિયાતોને કામકાજ અથવા સ્થળમાં ફેરફાર થઇ શકે છે પરંતુ તેનાથી લાંબાગાળે ફાયદો થશે. જો નોકરીમાં કામનું ભારણ વધુ રહેતું હોય અથવા તમારા હાથમાં રહેલા પ્રોજેક્ટ્સ પાર પાડવામાં વિલંબ થતો હોય તો ફેબ્રુઆરીથી તેમાં સુધારો આવશે. ફેબ્રુઆરીના મધ્ય પછી નોકરીમાં તમે વધુ ઉત્સાહી થશો પરંતુ તેના કારણે સાથી કર્મીઓ સાથે કોઇ બાબતે તણાવ ના થાય તેનું ધ્યાન રાખવું જરૂરી છે. અત્યાર સુધી પ્રોફેશનલ મોરચે આવતા વિલંબ અને કામના ભારણમાં જાન્યુઆરીના અંત પછી રાહત થશે. ભાગીદારીના કાર્યોમાં અથવા નવા કરારોમાં ફેબ્રુઆરી પછી વિલંબની શક્યતા હોવાથી હવે વહેલી તકે પતાવી દેવા. સંબંધો માટે સમય સારો છે માટે એકબીજાનો સંગાથ માણી શકશો. વર્ષના મધ્યના ચરણમાં તમે પ્રેમસંબંધોમાં સૌથી વધુ મગ્ન રહેશો. જોકે, ફેબ્રુઆરી પછી તમારે સંબંધોમાં વૈવિધ્ય લાવવા તેમજ તમારા સાથીને વધુ ખુશ રાખવા માટે થોડી મહેનત કરવી પડશે. આવી સ્થિતિમાં તમે પ્રસંગોપાત ભેટસોગાદોની આપ-લે કરીને તમારા સાથી જોડો નીકટતા વધારી શકો છો. ધાર્મિક બાબતોમાં ખર્ચની સંભાવના નકારી શકાય નહીં. સપ્ટેમ્બર મહિના સુધી શક્ય હોય તો બીજાને નાણાં ઉધાર આપવાના નહીં તેમજ ઉધારી કે દેવું કરવું નહીં. આ સમયમાં કોઇપણ કારણથી અવારનવાર મુસાફરીની શક્યતા વધશે. વર્ષના છેલ્લા ચરણમાં તમે કોઇ અજાણ્યા અથવા અણધાર્યા સ્ત્રોતો કે વ્યક્તિ પાસેથી આર્થિક અથવા અન્ય લાભ મેળવી શકો છો. જોકે, શેરબજાર, ગેમ્બલિંગ અથવા આવી કોઇ અન્ય પ્રવૃત્તિઓમાં જોડાયેલા જાતકો માટે સપ્ટેમ્બર પછીનો તબક્કો ખૂબ જ સાચવવા જેવો છે. જો ધ્યાન નહીં રાખો તો મોટી ખોટ આવી શકે છે. વિદ્યાર્થી જાતકો માટે સમય સારો છે પરંતુ પ્રવેશ પરીક્ષાઓ અથવા કોર્સ સિવાયના અભ્યાસમાં થોડી મહેનત વધારવી જરૂરી છે. સ્વાસ્થ્ય સુખાકારીમાં ગાફેલ નહીં રહો તો એકંદરે સારી રીતે સમય પસાર થશે. સપ્ટેમ્બર પછી તમારે અભ્યાસમાં ઘણી મહેનત વધારવી પડશે. આ વર્ષ દરમિયાન તમારે સ્વાસ્થ્યની ખાસ સંભાળ લેવી પડશે કારણ કે કેટલાક એવા રોગો થઇ શકે છે જેની શરૂઆતમાં તમને જાણ નહીં હોય અથવા તમારી બેદરકારીના કારણે તે મોટું સ્વરૂપ લઇ શકે છે. મેદસ્વીતા અને ડાયાબિટિસ તેમજ તેને લગતી અન્ય સમસ્યાઓ આ વર્ષમાં થવાની શક્યતા વધુ છે.

વ્યવસાય અને કારકિર્દીનું ફળકથન