વૃષભ – તુલા સુસંગતતા

વૃષભ અને તુલા રાશિ વચ્ચે સુસંગતતા

આ બંને રાશિના જાતકો વિવાદથી દૂર રહેવાનો પ્રયાસ કરે છે તેમજ શાંતિ અને સુમેળભર્યા વાતાવરણમાં જીવવાનું પસંદ કરે છે. મિલનસાર, સૌમ્ય અને કરૂણાસભર સ્વભાવ એ બંને જાતકોમાં જોવા મળતા સામાન્ય ગુણો છે. એમ છતાં કોઇકવાર બધું બરાબર પાર પડતું નથી કે વ્યવસ્થિત ચાલતું નથી. જો કે તેની ચિંતા કરવાની જરૂર નથી. હંમેશા સમૂહમાં રહેવાનો તુલા જાતકોનો સ્વભાવ વૃષભ જાતકોને ખૂંચે છે. કારણ કે તેઓ માત્ર પોતાના નિકટના સ્વજનો સાથે જ રહેવા ઇચ્છતા હોય છે. તુલા જાતકોના મુત્સદ્દીભર્યા સ્વભાવને કારણે નજીવો સંઘર્ષ ઉદભવી શકે છે. એમ છતાં બંને જાતકો મોજશોખ અને વૈભવી જીવનમાં માનતા હોવાથી તથા ખૂબ જ રોમેન્ટિક સ્વભાવના હોવાથી તેમની વચ્ચે સારો તાલમેલ રહે છે.

વૃષભ પુરુષ અને તુલા સ્ત્રી વચ્ચે સુસંગતતા
તાલમેલની દૃષ્ટિએ વૃષભ પુરુષ અને તુલા સ્ત્રી વચ્ચે બહુ સારો સુમેળ નહીં રહે. પરંતુ બંનેમાં સંગીત, ફિલ્મ અને કલાના ક્ષેત્રમાં સમાન અભિરૂચિ હોવાથી બહુ વાંધો આવતો નથી. વૃષભ પુરુષની માલિકીપણાની વૃત્તિ તુલા સ્ત્રી જાતકને બધા સાથે હળવામળવાથી અટકાવે છે, જ્યારે તુલા સ્ત્રીને બધા સાથે હળવુંમળવું વધારે ગમે છે. પરસ્પર સ્વભાવમાં અસમાનતાઓ હોવા છતાં તેઓ મહત્વનો સમય એકબીજા સાથે વીતાવવાની કોશિશ કરતા હોવાથી તેમની વચ્ચે સામાન્ય સુમેળ રહે છે. ગણેશજીને એવું લાગે છે કે જો બંને જણાં વિપરીત તેમજ પ્રતિકુળ પરિસ્થિતિમાં પરસ્પર અનુકૂલન સાધીને રહે તો તેમની વચ્ચે સુમેળ રહે છે.

વૃષભ સ્ત્રી અને તુલા પુરુષ વચ્ચે સુસંગતતા
બંને જાતકો વચ્ચેના સંબંધોમાં જબરદસ્ત તાલમેલ રહે છે, કારણ કે રોમાન્સ અને પ્રેમના આવેગમાં બંનેની ઉત્કટતા સમાન રહે છે. પરંતુ તેમના સંબંધો આગળ વધતા જાય ત્યારે તેમને સમસ્યાઓનો સામનો કરવો પડે તેવી શકયતા છે. કારણ કે, તુલા પુરુષ જાતકમાં મોટાભાગે પોતાની સ્ત્રી સાથી પર નિષ્ઠાનો અભાવ હોવાથી વૃષભ મહિલા અસલામતીની ભાવના અનુભવે છે. એમ છતાં આ બાબત તેમની વચ્ચેના પ્રેમને અસર નથી પહોંચાડતી કારણ કે પોતાની વાત બીજાને ગળે ઉતારી દેવાની તુલા પુરુષની આવડત વૃષભ સ્ત્રીને ગમે છે. જ્યારે તુલા પુરુષ વૃષભ સ્ત્રીની દૃઢ નિર્ણયશક્તિ અને મક્કમ મનોબળ જોઇને તેનાથી પ્રભાવિત થાય છે. એકબીજાની ખામીઓને જતી કરવાનો પ્રયાસ કરે તો તેમની વચ્ચે ખૂબ જ સારા સંબંધો રહે છે.

સુસંગતતા

અગ્નિ તત્વની રાશિઓ
પૃથ્વી તત્વની રાશિઓ
વાયુ તત્વની રાશિઓ

વૃષભ વ્યવસાય અને કારકિર્દીનું ફળકથન

આ સપ્તાહ

વ્યવસાયિક ગતિવિધીઓ માટે આ સપ્તાહ સામાન્ય જણાઈ રહ્યું છે. રીઅલ એસ્ટેટ સરકારી કામકાજો કે કૃષિ જેવા વ્યવસાયમાં આપ સપ્તાહના ઉત્તરાર્ધમાં પ્રગતી કરી શકશો. તારીખ 22થી 24 સુધીનો સમય અસમંજસપૂર્ણ હોવાથી મહત્વના નિર્ણયો લેવાનું ટાળજો….

વૃષભ પ્રણયજીવન અને સંબંધોનું ફળકથન

આ સપ્તાહ

પ્રેમ સંબંધોનો વિચાર કરીએ સપ્તાહના પ્રથમ દિવસે મુલાકાતોમાં ખૂબ સાનુકૂળતા રહેશે. આપ રોમાન્સની લાગણીમાં ડુબેલા રહેશો. લગ્નોત્સુક જાતકોને પણ યોગ્ય પાત્ર સાથે મુલાકાતની શક્યતા વધશે. જોકે હાલમાં તમારા લગ્ન સ્થાનમાં રહેલા સૂર્ય…

વૃષભ આર્થિક અને નાણાંનું ફળકથન

આ સપ્તાહ

આર્થિક બાબતોમાં આ સપ્તાહે આપ કમાણીનો માર્ગ તૈયાર કરશો પરંતુ રોકાણની વાત આવે ત્યારે થોડી પાછીપાની થઈ શકે છે કારણ કે સપ્તાહના પૂર્વાર્ધમાં તમારામાં વિચારોની નકારાત્મકતા વધુ રહેવાની શક્યતા છે. સપ્તાહના પહેલા દિવસે શેરબજાર કે…

વૃષભ શિક્ષણ અને જ્ઞાનનું ફળકથન

આ સપ્તાહ

વિદ્યાર્થી જાતકો સપ્તાહના પૂર્વાર્ધમાં ખાસ કરીને તારીખ 22થી 24 સુધી થોડા કપરાં ચઢાણ છે. આપના વ્યય સ્થાનમાં બુધ સાથે ચંદ્રની યુતિ નબળા પરિણામનું કારણ બની શકે છે. યાદશક્તિમાં ઘટાકો અને બૌદ્ધિક કાર્યોમાં અપેક્ષા કરતા ઓછુ પરિણામ…

વૃષભ સ્વાસ્થ્યનું ફળકથન

આ સપ્તાહ

વૃષભ જાતકોએ ખાસ કરીને તારીખ 22થી 24ની સાંજ સુધી સ્વાસ્થ્યની કાળજી રાખવાની છે. આપના સ્વભાવમાં ઉગ્રતાના કારણે માનસિક વ્યાકુળતા વધારે રહેશે. આ સમયમાં વીજકરંટ, આકસ્મિક ઈજા, વિચારોની નકારાત્મકતાના કારણે શારીરિક ઈજા થાય તેવા સાહસો…

નિયતસમયનું ફળકથન