મિથુન વાર્ષિક ફળકથન

આ વર્ષ (2017)

ગણેશજીને લાગી રહ્યું છે કે વર્ષ 2017માં તમે કારકિર્દી કે વ્યવસાયમાં સફળતાની સીડીઓ ચડી શકશો. કર્તવ્યનિષ્ઠા સાથેના તમારા પ્રયાસોનું હાલમાં શુભ ફળ મળવાની સંભાવના છે. તમને નવી તકો પણ મળશે. વર્ષ 2017 દરમિયાન ગ્રહોનું ગોચર આપને રોજગારી સંબંધિત પ્રશ્નો ઉકેલવામાં મદદ કરશે. તમે કારકિર્દીના માર્ગે આગળ વધવા માટે ચતુરાઈપૂર્વક નિર્ણય લઈ શકશો. વર્ષના છેલ્લા ત્રિમાસિકગાળામાં તમને કારકિર્દીમાં થોડી વધુ મહેનત કરવાની જરૂર પડશે. તમારે સહકર્મીઓ, ઉપરીઓ અને વ્યવસાયિક સહભાગીઓ સાથે ખૂબ સારા સંબંધો જાળવવા પડશે. વર્ષના અંતિમ ચરણમાં તમારી પ્રોફેશનલ છબી જરાય ખરાબ ન થાય તેની કાળજી રાખજો. તમારા આર્થિક આયોજનો કે રોકાણની સમીક્ષા કરવા માટે આ સમય ઘણો યોગ્ય છે. રીઅલ એસ્ટેટમાં વર્ષના પ્રથમ નવ મહિનામાં કરેલું રોકાણ લાભદાયી નીવડશે. નવી જમીન કે મિલકત ખરીદવા માટે હાલમાં યોગ્ય સમય છે. જેમ જેમ નાણાંની આવક વધશે તેમ તમારી ખુશી પણ વધશે. તમને હાલમાં આર્થિક જરૂરિયાત હોય તેવી વ્યક્તિ કે સંસ્થાને દાન કરવાની પણ ઈચ્છા થશે. ઓગસ્ટ 2017 પછીના સમયમાં તમારે ખાસ કરીને કોઈપણ પ્રોજેક્ટમાં નાણાંનું રોકાણ કરવામાં ખૂબ તકેદારી રાખવી પડશે. ખાસ કરીને વર્ષના છેલ્લા ત્રણ મહિનામાં આર્થિક વ્યવહારોમાં તમારે સાવધાની રાખવી અને કોઈના પર આંધળો વિશ્વાસ ન કરવો તેવી સલાહ છે. સ્વાસ્થ્ય મોરચે આપના આ વર્ષની શરૂઆત કદાચ સંતોષકારક નહીં હોય અન કોઈને કોઈ પ્રશ્ને ચિંતા હશે. જોકે જેમ જેમ સમય પસાર થશે તેમ સ્વાસ્થ્ય મુદ્દે તમે વધુ ને વધુ કાળજી લેશો. તમે ભોજનની આદતો અને દિનચર્યામાં જરૂર જણાય ત્યાં યોગ્ય ફેરફારો કરશો જેથી સારું સ્વાસ્થ્ય જળવાઈ રહે. ખાસ કરીને પીઠમાં નીચેના હિસ્સામાં દુખાવો, ડાયાબિટિસ, પાચન સંબંધિત સમસ્યા હોય તેમણે વધુ કાળજી લેવી જરૂરી છે. આ વર્ષમાં તમારે પ્રણયજીવનમાં વિશેષ ધ્યાન આપવું પડશે. ગણેશજીની સલાહ છે કે, આપ અંગતજીવનમાં કોઈપણ બાબતે વધુ પડતા ઉતાવળીયા નિર્ણય ન લેતા અને સાવ અવ્યવહારુ(અવિચારી) વર્તન ન કરતા. વિવાહિતોને કોઈ તબક્કે પારસ્પરિક સૌહાર્દનો અભાવ વર્તાશે પરંતુ સૌથી સરળ ઉપાય છે કે તમે દલીલબાજી ટાળજો. દરેક બાબતે વળતો જવાબ આપવાના બદલે ક્યાંક મૌનનું હથિયાર પણ અપનાવશો તો ફાયદામાં રહેશો. તેના કારણે તમારા કેટલાય પ્રશ્નો મૈત્રીપૂર્ણ રીતે જ ઉકેલાઈ જશે. વર્ષના અંતિમ ચરણમાં આપના સંબંધોમાં એકંદરે સુધારો આવતો જણાશે તેમ ગણેશજીને લાગે છે. આ વર્ષમાં પરિવારજનો સાથે આપના સંબંધોમાં સામીપ્ય રહેશે. ગણેશજીને લાગે છે કે, તમે પરિવારજનો સાથે ખૂબ સારો સમય વિતાવી શકશો. વર્ષના છેલ્લા ત્રણ મહિનામાં પરિવારજનો સાથે ક્યાંક ફરવા જવાની તમને પ્રબળ ઈચ્છા જાગશે જેથી તમે આ સમયમાં લાંબા પ્રવાસનું આયોજન કરો તેવી સંભાવના પણ નકારી શકાય નહીં.
#

Trending (Must Read)

મિથુન સાપ્તાહિક ફળકથન – 19-02-2017 – 25-02-2017

મિથુન માસિક ફળકથન – Feb 2017

મિથુન સુસંગતતા

મિથુન રાશિ વિશે બધુ જ જાણો

સંસ્કૃત નામ : મિથુન | નામનો અર્થ : મિથુન | પ્રકાર : અગ્નિ-પરિવર્તનશીલ-સકારાત્મક | સ્વામી ગ્રહ : બુધ | ભાગ્યશાળી રંગ : નારંગી, લીંબુ પીળો, પીળો | ભાગ્યશાળી દિવસ : બુધવાર

વધુ જાણો મિથુન