મેષ – મીન સુસંગતતા

મેષ અને મીન રાશિની સુસંગતતા

મીન જાતકો મેષ પાર્ટનરને ખુશી, રોમાંચ અને ઉલ્લાસનો અનુભવ કરાવે છે પરંતુ ક્યારેક તે દુઃખી પણ કરે છે. તેઓ ઘણાં સંવેદનશીલ અને લાગણીશીલ હોય છે. મેષ જાતકો કરતા વિપરિત, મીન જાતકો ઘણાં શરમાળ અને મક્કમ હોય છે અને મેષ જાતકો દ્વારા દોરાવુ તેમને ગમે છે. મેષ જાતકો મીન જાતકો પર આધિપત્ય જમાવે છે તેમને શાંત અને સૌમ્ય પ્રકારનો પ્રેમ ગમે છે. આ સંબંધમાં કદાચ મુશ્કેલીભર્યો સમય પણ આવે છે. પરંતુ મેષ જાતકોની કુશાગ્ર બુદ્ધિ અને મીન જાતકોના સૌમ્ય પ્રેમને કારણે આ સંબંધ રાશિ ચક્રમાં સૌથી અદભૂત જોડીમાં પરિણમે તેવી પણ શક્યતા છે.

મેષ રાશિના પુરુષ અને મીન રાશિની સ્ત્રી વચ્ચેની સુસંગતતા
મેષ રાશિના પુરુષ અને મીન રાશિની સ્ત્રી વચ્ચેની સુસંગતતાનો સંપૂર્ણ આધાર એકબીજા સાથે સમાધાન કરવાની તેમની ક્ષમતા પર રહેલો છે. તેઓ સંબંધ જાળવી શકે અથવા તેને તોડી શકે છે. મેષ રાશિનો પુરુષ હિંમતવાન અને અભિવ્યક્તિથી છલકાતો હોય છે જ્યારે મીન રાશિની સ્ત્રી આકર્ષક અને સંવેદનશીલ હોય છે. કેટલીકવાર, ગેરસમજથી સંઘર્ષ ઉભો થતો હોય છે. પણ જો બંને પોતાના ગુસ્સાને અંકુશમાં રાખી શકે અને નજીવી વાતોમાં દલીલો અને ચર્ચાઓ ટાળે તો આ સંબંધ વધારે આગળ વધી શકે છે.

મેષ રાશિના સ્ત્રી અને મીન રાશિના પુરુષ વચ્ચેની સુસંગતતા
જ્યોતિષશાસ્ત્રની દ્રષ્ટિએ મેષ રાશિની સ્ત્રી માટે મીન રાશિના પુરુષમાં આત્મીય સાથીની શોધ મુશ્કેલ બની રહે છે. તેમણે શરૂઆતમાં થોડુ સમાધાન કરવું પડે છે પણ એકવાર સમજશક્તિ વિકસી જાય પછી બંને માટે જીવન સરળ બની જાય છે. સકારાત્મક વાત એ છે કે, પુરુષ કેટલાંક એવા લક્ષણો ધરાવે છે જે સ્ત્રીને ખુશ કરી શકે અને તેને આગળ વધવા માટે પ્રેરણા આપી શકે છે. બદલામાં, સ્ત્રી તેના રહસ્યમય વર્તન અને દયાળુ સ્વભાવ દ્વારા પુરુષને ખુશ કરે છે. જો સ્ત્રી પોતાની આક્રમકતા પર અંકુશ રાખી શકે અને સામેની વ્યક્તિને થોડો અવકાશ આપે તો આ સંબંધ પ્રેમ સાથે ટકી શકે છે.

સુસંગતતા

અગ્નિ તત્વની રાશિઓ
પૃથ્વી તત્વની રાશિઓ
વાયુ તત્વની રાશિઓ

મેષ વ્યવસાય અને કારકિર્દીનું ફળકથન

આ સપ્તાહ

વ્યવસાય કે નોકરી કરતા જાતકો આ સમયમાં સારી પ્રગતી કરી શકશે. ખાસ કરીને મલ્ટીનેશનલ કંપનીમાં કામ કરતા જાતકોને ઉપરીઓ સાથે ખૂબ સારા સંબંધ રહે અને આપની આવડત તેમજ વાણીની મીઠાશના જોરે આપ બઢતી કે તેમજ આર્થિક વળતરનો માર્ગ ઘડી શકશો….

મેષ પ્રણયજીવન અને સંબંધોનું ફળકથન

આ સપ્તાહ

સંબંધો મામલે આ સપ્તાહે શરૂઆતમાં આપે થોડા ચેતીને ચાલવાનું છે. ખાસ કરીને તારીખ 15 અને 16ના રોજ આપના પંચમ સ્થાનમાં ચંદ્ર અને રાહુની યુતિ હોવાથી આપના સ્વભાવની ઉગ્રતા સંબંધોમાં ખોટી ગેરસમજ ઉભી કરી શકે છે. મહિલાવર્ગ તરફ આપનું આકર્ષણ…

મેષ આર્થિક અને નાણાંનું ફળકથન

આ સપ્તાહ

આર્થિક મોરચે આ સપ્તાહ સાનુકૂળ પસાર થશે. આપના ધન સ્થાનનો માલિક શુક્ર હાલમાં લાભ સ્થાનમાં હોવાથી લાભ થાય પરંતુ સાથે કેતુ હોવાથી અપેક્ષા કરતા ઓછો અથવા આપને ખરેખર દેખાતો હોય તેનાથી ઓછો લાભ થાય. આવકના સ્ત્રોતો આપ ઉભા કરી શકશો પરંતુ…

મેષ શિક્ષણ અને જ્ઞાનનું ફળકથન

આ સપ્તાહ

વિદ્યાર્થી જાતકો માટે આ સમય મહેનત માંગી લે તેવો છે. આપનામાં તર્કશક્તિ સારી રહેવાથી શૈક્ષણિક સેમિનાર કે ચર્ચામંચમાં આપ પોતાની સ્પષ્ટ અને મજબૂત દલીલો મુકી શકશો પરંતુ નિયમિત અભ્યાસમાં આપનું મન ઓછુ લાગે તેવી સંભાવના વધતી જણાય છે….

મેષ સ્વાસ્થ્યનું ફળકથન

આ સપ્તાહ

આ સપ્તાહમાં આપની સ્વાસ્થ્ય સુખાકારી જળવાઈ રહેશે. આપ ઉત્તમ ભોજનનો આનંદ માણી શકશો. જોકે ગણેશજી આપને કોઈપણ બાબતે અતિશયોક્તિથી દૂર રહેવાની ટકોર કરે છે. જેમને ત્વચાની સમસ્યા અથવા નેત્રપીડા હોય તેમના માટે થોડો પ્રતિકૂળ સમય છે પરંતુ…

નિયતસમયનું ફળકથન